SMART Goal kya hai aur ise kaise set kare - Full Guide

Hello friends , jaisa ham jante hai hamare jeevan me Goal setting ka hona kitna jaruri hota hai . Goal setting ko hi success ki pehli seedhi kaha jata hai. Mai pichle post me bata chuka hoon goal setting kya hai aur ye hamare jeevan me kyu hona chahiye. Aaj mai is post me share karne wala hoon SMART Goal kya hota hai aur ise kaise set karte hai,  agar apko ye janna hai to is post ko pura read kare.




Smart Goal Kaise set kare

Agar apke Goal me specific , measurable , achievable , realistics aur time bound jaise characteristics hai to aapka goal SMART hai , aisi goal set karne wale person success ki taraf teji se badhte hai. Aapne bahot sare logon se ye to suna hi hoga ki unke lakshya  pure nahi ho rahe hai aur unhe success bhi haasil nahi ho pati hai. Goal un logon ki bhi hai par ye pura sirf isliye nahi ho pati hai kyu ki ye ordinary goal hai SMART nahi. 


Isliye ordinary nahi smart goal set kare ,agar aap aisa kar lete ho tab aapko instant result milna suru ho jata hai kyu ki aapko pata chal jata hai aap kis direction me ja rahe ho aur aapke mind me novelty ideas bhi aana suru ho jata hai .Ab mai aapko batane ja raha hoon  SMART goal kaise set karte hai aap carefully aage ki post ko puri read kare.


Specific

Aapke goal ka specific hona bahot jaruri hai , specific ka matlab hota hai crystal ki tarah clear aur ek direction me ,iske fayde ye hote hai is tarah ke goal par focus jyada rehta hai . Agar aapka goal clear na hokar confusion se bhari padi hai to jyada chances hai failure hone ki aur isme sirf aapka waqt barbad hoga.  Ab mai specific goal ko ek example ki madad se samjhane ki kosish karne ja raha hoon aur umeed karta hoon aap easily samajh paoge.


example :- " Mai apne wife ke sath next month ke 10 taarikh ko 3 din ke liye Goa jaunga "

Upar diye gaye example me aap dekh sakte ho sab kuch clear hai aur ek hi disha me hi goal set hai . Mujhe ye pata hai kab jana hai kaha jana hai aur kitne din ke liye. Jab mujhe sab kuch pata hai to planning behtar hogi .  Sabse pehle mai next month 3 din ke liye holiday lunga office se. Fir time par ticket aur hotel room ki booking karoonga. Finally , sab kuch planning ke tahat hoga aur iske pure hone ke chances jyada hogi.


Measurable

Apke lakshya me measurable ka hona bhi bahot jaruri hota hai. Measurable ka matlab hota hai " maapna" , aapke har goal aisi ho jise aap maap sake . Agar aapki aisi koi goal ho to their is no doubt wo pure honge lekin agar aapke goal me ye factor nahi hai to aapke sapne pure bhi ho ye jaruri nahi.

Example :- "Mujhe 2 mahine me 5 kg wajan badhana hai "


Upar diye gaye example me aap dekh sakte ho jisme mujhe 2 mahine me 5 kg wajan badhana hai ye puri trarah se measured hai ki mujhe 5kg badhana hai . Ab mai diet aur exercise iske anusaar hi karunga  aur meri wajan isse jyada na ho uska bhi khayal rakhoonga .


Achievable

Ye sabse important characteristics hai , jab bhi aap koi goal set kar rahe ho to is baat ko mind me jarur rakhe ki ye achievable hai bhi ki nahi . Aisa koi bhi lakshya na set kare jise pura kar pana aapke capacity me hi na ho.


Example :- "Mai 1 year me 1 Lakh rupees save karna chahta hoon "

Upar ke example me mai chahta hoon save karna 1 lakh rupees ko wo bhi 1 year me , jab mujhe pata hai meri salary 20k per month hai to ye mere liye jyada mushkil nahi hoga , agar mai 5 lakh set kar leta to ise achieve kar pana mushkil ban jata aur pressure bhi kaafi hota mujh par . Isliye aap jab bhi goal set kare to is baat ko dhayan me jarur rakhe.


Realistics

Apke goal me realistics bhi important role nibhata hai , infact iske bina goal ke koi maayne hi nahi hai ,realistics ka matlab hota hai "anurup " . Jab bhi koi goal ko set kare to sabse pehle ye dekhe ki us work me aapko koi interest hai bhi ya nahi . Agar aap aisi koi lakshya set kar lete ho jispe work karna apko utna pasand nahi to aap galat disha me ja rahe ho.

Example :- "Mujhe software engineer banna hai "

Mujhe bachpan se computer me bahot interest raha hai aur mai kaafi hour tak continue ispe time de sakta hoon . Ye dream meri interest ke saath relevant hai isliye maine ise pura bhi kiya aur mai aaj ek software engineer ban paya hoon .


Time Bound 

Jab bhi aap koi goal set karo uske saath koi deadline bhi tay kar do ki aapko kitne time me use pura karna hai . Isse aap time ke skill ko samajhte hue apne dream ki taraf teji se badhoge. Time set karne ke fayde bahot hai ye aapko motivated rakhegi.

Example :- " 10 din me mujhe 20 story read karni hai "

Maine deadline 10 days ka set kiya hai , ise dhayan me rakhte hue mai daily 2 story ko padhunga to ye fulfill jarur hoga . Lekin hame is baat ko bhi dhayan me rakhna chahiye jaisa work ho usi ke according hi deadline set karo aisa nahi hona chahiye 1 din me hone wali work ki deadline aap 1 week rakho.



Conclusions :- 

Maine is post me bataya Smart goal kya hai , ye kyu jaruri hota hai aur ise kaise set karte hai. I hope apko ye jankari pasand aaya hoga aur kuch sikha bhi hoga . Agar aap  daily aisi hi motivation aur life changing posts chahte ho to hamare blog ko subscribe kar daily visit kare ...Thanks.